Brukartips vatn til vatn varmepumpe
For dei som allereide har fått ei varmepumpe installert, kan det være nyttig med litt tips om instillingar, vedlikehald og handtering av avvik.
Instillingar
Ei vatn til vatn
varmepumpe vert hovudsakleg brukt til oppvarming, varmepumpa kan også varme varmtvatn. Ein del modellar kan brukast til kjøling, men då ofte utan varming
av varmtvatn. Kjølebehov kan ein lett dekke med såkalla frikjøling, sirkulerer då kald side av varmepumpa gjennom ein vifteradiator som er gunstig
plassert. Best effektfaktor(COP) får ein i samband med eit lavtemperert varmeanlegg, dess meir ein løftar temperatur dess mindre får ein igjen for kvar
kilowatt ein puttar inn.
Instillingar ein bør vurdere og følgje med på er;
TEMPERATUR - Golvmagasin bør ikkje over 35 grader for å ha høg COP
SIRK.PUMPE - Sørg for god sirkulasjon av vatn i golvsløyfene
ROMTEMP. - 20 istadenfor 21 grader romtemp. red. energibruk med 5%
MAGASINTRYKK - Hald trykket i golvmagasin omkring 1,5 Bar
NB; Senking av romtemperatur vil sjeldan løne seg for ei natt i fyringssesongen, er ein vekke nokre dagar løner det seg fort.
Vedlikehald
Kontroller temperatur og trykk jamnleg, monter gjerne nokre ekstra temperaturmålarar på strategiske plassar, med maks og min. registrering. Sjekk av og
til for lekkasjar og svetting i koplingar. Fyll vatn på golvmagasin med jamne mellomrom dei første driftsåra, unngå å få inn luft ved etterfylling.
Manglande isolasjon på rør i teknisk rom kan gje varmetap og kondensering/fukt/korrosjon, pass derfor på at særleg kalde rør er isolert.
Avvik
Etter straumutfall / spenningsfall, og varmepumpe oppfører seg unormalt;
- Slå av varmepumpe
- Kople frå straumtilførsel
- Vent 5 minutt
- Kople til straumtilførsel
- Start varmepumpe
- Er alt normalt etter nokre timar?
- Om ikkje - ta kontakt for vidare aksjonar
